Nagbabalik ang inyong lingkod

Makaraan ang kay habang panahon andito na naman po ang inyong lingkod na magsusulat ng mga walang kabuluhan istorya ng buhay.

Busing-busy ng mga nakaraang araw dahil papalapit na po ang Pasko, syempre konti papogi points para naman makumbinse si bossing na ibigay na ang 14th month pay. Sige na sir… itodo mo na ang bonus…

Wala pa rin ang Christmas ham at keso de bola na taunang pinamimigay sa mga empleyado. Kaya siguro malungkot pa rin ang mukha ni manang guard, wala pa siyang pang “wine and cheese”. Sosyal amp!

Nagsimula akong maglista ng mga inaanak at kamag-anak na umaasa ng ambon ng maykapal… mahaba ang listahan, kaya pinunit ko na lang. Nag-iisip ako ng paraan para makatakas sa mga manghihingi ng aginaldo. Pwede kayang mag-abot ng sobreng may Promissory note?

Madami na rin akong di nasubaybayan sa mga nakalipas na linggo. Walangjo si Mariel nasa loob na naman ng bahay ni utol… mamamatay na kaya siya ng tuluyan? Hay ewan ko na lang…